Sound of silence

 ماشاء الله اللعبة جدا

عندي بس نقطتين، الاولى عن شوية حاجات متعلقة بالنصوص، والثانية عن الجيم بلاي او يعني اسلوب اللعبة

بالنسبة للنصوص

كمان لما تكلم الاخت، بتلاقي الولد بيقول "ايه الي حصل لغرفتي، ماما هتزعل جدا", مش عارف اذا كنت تقصدها كنكتة فعلا او لا، ولكن محستش انها ماشية مع جو اللعبة، خاصة اننا بنتكلم عن بنت تحت الانقاض

ولكن على العموم طريقة عرض القوائم كلها جميلة، ومستغرب اذاي قدرت فعلا تخليها متناسبة مع جو اللعبة, وانا هنا اقصد اختيار الخط وحجمه 

بالنسبة لاسلوب اللعبة في اللعب

فانا كنت متوقع ان الفكرة نفسها بتاعة توجيه الصواريخ لاماكن معينة هتكون رخمة، ولكن الغريب اني كنت مستمتع فيها، خاصة لما اكتشفت اني اقدر اعمل حاجات تانية، زي اني احاول اجيب الماية او الدب، فدول حسيت ان فعلا فيه تحدي خلى اللعبة نفسها ممتعة.

لكن هو بس نقطتي مع حركة اللاعب، الي كنت حاسس انها سريعة شوية، اعتقد لو كان اللاعب حركته بطيئة، فده هيتماشى اكثر مع جو اللعبة الواقعي، وعلى الاقل يحسسنا ان اللاعب تاثر بالغارات، وممكن تزود الوقت لو حسيت ان المستخدم مش هيلحق يعمل حاجة, لاني اشوف اللعبة تعتمد على المشاعر اكثر، بالتالي ديه نقطة مهمة.

واعيد واقول ان العناصر المطلوبة بتكون بارزة بسبب تصميمها عن البيئة، وانا فرحان بالامر ده الصراحة

ولكن كنت احب ان يكون فيه حاجة زي نص على جانب الشاشة يتكتب فيه المطلوب، لاني احيانا مش باخد بالي من المهمة لحد ما اروح اكلم الاخت

+ تعليق اخير بخصوص التصوير

عارف ان التصوير جزء مهم من القضية بشكل عام، ولكن محستش ان ليه علاقة باللعبة، خاصة ان مهمة التصوير بتكون الاولى، فبدل ما اللاعب يحاول يهتم باخته، فهو بيروح يصور. وعلى قد ما الموضوع مهم، ولكن اعتقد لو كان فيه طريقة مثلا زي انك تخلي الاخت تقعد على جنب فنطمن عليها شوية وبعد كدة نصور فديه تكون فكرة افضل